[NEWS] [presentazione] [percorso] [bibliografia] [mostre] [galleria] [frottage] [mosaici&sculture] [hockeista] [teatro] [contatti]

 

apparenzafrottage

Frottage, che in francês al vûl dî sfreolament, al è une metodologjie operative che e visualize sul plan la nozion de corporeitât. Il pitôr surealist Max Ernst al à fat jentrâ te art il procediment di sfreolâ il lapis o il pastel suntun sfuei di cjarte poiât suntune superficie ruspie o animade di ingrispaduris lizeris, par esempli un toc di len o une fuee. La conformazion particolâr di chescj ogjets organics e faseve nassi, intune sorte di scriture automatiche, imagjins fantastichis cuntune astrazion alusive peculiâr, in linie perfete cu la valence oniriche e subcussiente de poetiche surealiste.
Il frottage pitoric di Enzo E. Mari al à aspiets operatîfs e concetuâi de stesse fate di ce che o vin descrit, e alore la denominazion e je justificade, ma lis diferencis a son claris e signifi cativis e alore la peculiaritât espressive e creative e à tant rilêf. Enzo E. Mari no si lasse menâ dal câs dal ogjet organic cjatât, ma al partìs di un bas rilêf rapresentatîf, scuasi simpri une muse, che al prepare propit lui, intune dimension progjetuâl clare di dute la operazion estetiche. Ae sostance plastiche dal rilêf al fâs aderî un lambri di tele che e pues jessi di sortis diviersis e al interven alore cul colôr a vaporizazion. Cuntun sisteme une vore articolât di mascaraduris ordenadis tes diviersis fasis de coloridure si oten, in fi n, cuant che la superficie piturade e je distirade sul plan, un efi et cromatic che al riclame in maniere spetacolâr il rilêf di li che al veve tacât, si cualifiche come tenture prevalente e si manifeste tant che segn pitoric peculiâr.
Cussì la sostance plastiche de corporeitât e cjape sù l’aspiet de piel colorade che a ancje chê e je animade dal segn cualificant che al cole dentri in maniere acidentâl.
In cheste mostre l’artist alpresente cualchi serie di oparis li che il stes rilêf di partence alcjape plui conotazions formâls eplui significâts, ancje simbolics, in relazion a un ûs diferent dal frottage pitoric, intun percors dilunc dal timp che si disglagne sedi tes fasis di elaborazion di une sole piture sedi tes scansions interpretativis dentri di ogni serie.
Enzo E. Mari, cui siei frottages pitorics straordenaris, spetacolârs e personâi, nus mene par un percors di cognossince che si fâs in trê moments significatîfs.
De essence plastiche de identitât si passe ae sô presentazion cromatiche e in fin si rive al so dialic segnic problematic cul contest, ancje culturâl e storic: cun chel contest, che al è daûr a mudâ, si confronte cheste identitât.

di: “Il Frottage Pitoric di Enzo E. Mari”
pcconpc Sergio R. Molesi dbdf
Triest, Caffè Italia, 25 di Fevrâr -1 di Març dal 2005,
ultin cuart di Lune, a mancul di un mês de Vierte.

performance and paintings: Enzo E. Mari
video: Max Jurcev